ULY DauySstar - өнер туындысы жобасының ұйытқы болуы комитеті

г.Сатпаев, Казахстан
ИП ULY DauySstar от 26.02.2026г., ИИН/БИН 800312401137
Руководитель: Әжібай Мадина Берікқызы

+7 747 579 04 02, +7 747 579 04 02 Айко
+7 708 235 73 57, +7 708 235 73 57 Мадина
ulydauysstar@gmail.com
uly_dauysstar

«ULY DauySstar»
РЕСПУБЛИКАЛЫҚ БАЛАЛАР ШЫҒАРМАШЫЛЫҚ БАЙҚАУЫ
БАЙҚАУ ЕРЕЖЕСІ

1. Жалпы ережелер
1.1. Осы Ереже «ULY DauySstar» республикалық өнер шығармашылығы байқауын (бұдан әрі - Байқау) ұйымдастыру және өткізу тәртібін айқындайды.
1.2. Байқаудың негізгі мақсаты - білім алушылардың шығармашылық қабілеттерін дамыту, өнерге деген қызығушылығын арттыру, ұлттық өнер мен мәдени құндылықтарды насихаттау, жас өнерпаздардың шығармашылық әлеуетін қолдау және талантты балаларға кәсіби бағыт-бағдар беру.
1.3. Байқау Қазақстан Республикасының аумағында республикалық деңгейде, офлайн форматта өткізіледі.
1.4. Байқауды ұйымдастырушы:«ULY DauySstar» өнер шығармашылығы жобасының ұйымдастыру комитеті.
1.5. Байқау ұйымдастыру комитетінің бекіткен бағдарламасы, осы Ереже және қазылар алқасының шешімі негізінде өткізіледі.

2. Байқаудың мақсаты мен міндеттері
2.1. Байқаудың мақсаты:
- жас өнерпаздардың шығармашылық қабілетін анықтау және қолдау;
- музыкалық және шығармашылық білімнің дамуына ықпал ету;
- ұлттық өнерді, оның ішінде қазақтың дәстүрлі өнерін насихаттау;
- балалар мен жасөспірімдердің сахналық мәдениетін қалыптастыру;
- өнер саласындағы педагогтердің шығармашылық-әдістемелік еңбегін ынталандыру;
- талантты орындаушыларды анықтау және олардың шығармашылық дамуына мүмкіндік жасау.
2.2. Байқаудың міндеттері:
- өнерпаздардың орындаушылық шеберлігін бағалау;
- шығармашылық ізденісті қолдау;
- жас таланттарды республикалық деңгейде таныту;
- педагог пен білім алушы арасындағы шығармашылық байланысты нығайту;
- ұлттық және заманауи өнердің дамуына үлес қосу;
- өнер саласындағы тәжірибе алмасуға жағдай жасау.

3. Қатысушылар және жас ерекшеліктері.
Байқауға Қазақстан Республикасының аумағындағы балабақша тәрбиеленушілері, мектеп оқушылары, қосымша білім беру ұйымдары және шығармашылық үйірмелердің тәрбиеленушілері қатыса алады.

3.1. Қажет болған жағдайда ұйымдастыру комитетінің шешімімен жас санаттарына өзгерістер енгізілуі мүмкін.
3.2. Байқауға жеке орындаушылар, дуэттер, триолар, ансамбльдер және шығармашылық ұжымдар қатыса алады.
3.3. Қатысушыларды байқауға дайындаған педагогтер, жетекшілер, концертмейстерлер және шығармашылық жетекшілер туралы мәлімет қатысу өтінімінде көрсетіледі.

4. Байқау жанрлары мен қатысу шарттары

Қатысушыларға қойылатын талап: музыка, минусовка, фондық әуен, бейнеролик және презентациялар флешкада болуы тиіс.

5. Байқауға қатысудың негізгі талаптары:
1. Байқауға қатысу үшін белгіленген үлгі бойынша өтініш және қатысу жарнасының төленгенін растайтын чек ұсынылады.
2. Қатысушы бір немесе бірнеше жанрға қатыса алады. Әр жанр бойынша қойылған талаптар сақталуы тиіс.
3. Әр қатысушының орындауы немесе шығармашылық жұмысы белгіленген уақыт шегінен аспауы қажет.
4. Музыкалық сүйемелдеу, фонограмма, бейнеролик және презентациялар флешкада дайын болуы тиіс.
5. Бейнелеу өнері мен қолөнерге қатысушылар жұмыстарын байқау күні дайын күйінде алып келеді. Қажетті көрме құралдарын қатысушы тарап қамтамасыз етеді.
6. Сахнаға қажетті реквизиттер мен қосымша құралдарды қатысушы тарап қамтамасыз етеді.
7. Қатысушылар мен жетекшілер ұйымдастыру комитетінің талаптарын, сахна тәртібін және қауіпсіздік ережелерін сақтауға міндетті.
8. Ұйымдастыру комитеті техникалық және ұйымдастырушылық жағдайларға байланысты бағдарламаға өзгерістер мен толықтырулар енгізуге құқылы.
9. Қатысушы байқауға қатыспаған жағдайда, төленген қатысу жарнасы қайтарылмайды.
10. Өтініш беру арқылы қатысушы және оның заңды өкілі байқау ережелерімен танысқанын және белгіленген талаптармен келісетінін растайды.

6. Қазылар алқасы және бағалау критерийлері
Қазылар алқасы Қазақстан Республикасының өнер және мәдениет саласындағы мамандарынан, шығармашылық бағыттағы педагогтер мен мамандардан құралады. Қазылар алқасының құрамы ұйымдастыру комитетімен бекітіледі.

Бағалау критерийлері:
- орындаушылық шеберлік;
- шығармашылық деңгей және өзіндік ерекшелік;
- сахналық мәдениет;
- көркемдік деңгей және образды ашу;
- тақырыптың ашылуы;
- жұмыстың немесе өнер көрсетудің жалпы әсері.
Қатысушылар жас ерекшелігі мен таңдаған жанры бойынша бағаланады. Уақыт және техникалық талаптарды сақтамау қорытынды бағаға әсер етуі мүмкін.
Қазылар алқасының шешімі соңғы болып табылады және қайта қаралмайды. Қазылар алқасы орындау барысында елеулі қателер болған жағдайда өнер көрсетуді тоқтатуға құқылы.

7. Марапаттау түрлері.
- ГРАН-ПРИ - кубок, медаль, лауреат дипломы, келесі байқауға қатысуға 15% жеңілдікпен сертификат.
- І орын - кубок, медаль, лауреат дипломы.
- ІІ орын - кубок, медаль және лауреат дипломы.
- ІІІ орын - кубок, медаль және лауреат дипломы.
Әр жүлделі орын алған қатысушының жетекшісіне алғыс хат беріледі.
Қосымша қаржылай марапаттар:
- Бір мекемеден 100 өнерпаз қатысқан жағдайда жетекшіге 50000 тг. ақшалай сыйлық және «Үлкен отбасы» кубогі табысталады.
- Бір мекемеден 50 өнерпаз және креативті өнер көрсеткені үшін жетекшіге 25000тг ақшалай сыйлық және «Үздік ұжым» атты медаль естелік сыйлығы табысталады.

8. Арнайы марапаттар:
Байқауға кез келген номинациядан 8 нөмірден жоғары өнерпаз қатыстырған жетекшіге «Үздік ұстаз» төсбелгісі немесе «Оскар» статуэткасы және Құрмет грамотасы табысталады.

9. Байқау жарнасы

Ескерту: қатысушылардың келіп-кету шығынын жіберуші тарап көтереді.
Қатысушы қандай да бір себеппен байқауға қатыса алмаған жағдайда, қатысу жарнасы қайтарылмайды.

10. ӨТІНІШ БЕРУ ТӘРТІБІ
Өтініштер ұйымдастыру комитеті бекіткен үлгі бойынша толтырылады және төлемді растайтын чекпен бірге электронды поштаға жіберіледі.
Электронды пошта: ulydauysstar@gmail.com
Өтініштерді қабылдау мерзімі: 10 қазан 2026 жылға дейін. Чексіз келген өтініш қабылданбайды.
Жазбаша шығарма бойынша жұмыс өтінішпен бірге алдын ала электронды поштаға жіберіледі. Word форматында, А4 қағазда, кемінде 2 бет болуы тиіс.

ULY DauySstar - өнер туындысы жобасының ұйытқы болуы комитеті

г.Сатпаев, Казахстан
ИП ULY DauySstar от 26.02.2026г., ИИН/БИН 800312401137
Руководитель: Әжібай Мадина Берікқызы

+7 747 579 04 02, +7 747 579 04 02 Айко
+7 708 235 73 57, +7 708 235 73 57 Мадина
ulydauysstar@gmail.com
uly_dauysstar