1. Жалпы ереже
Қазақстанның 2030 жылға дейінгі Даму стратегиясын іске асыру мақсатында 2011-2020 жылға арналған білім мекемелеріндегі кешенді тәрбие бағдарламасын жүзеге асыру аясында Алматы қаласы Білім басқармасы, Алматы Оқушылар сарайының ұйымдастыруымен балалар мен жасөсперімдер арасындағы «Балдаурен» атты І республикалық ән-би байқауы 2015 жылдың 11-12 наурыз аралығында өткізіледі.

1.2. Байқаудың мақсаты:
- балалар бойындағы шығармашылыққа деген талпынысты арттыру, олардың дамуына қолдау көрсету, дәстүрлі ән мен ұлттық күйді дәріптеп, би өнерінің кең ауқымда өрбуіне ат салысу;
- өскелең ұрпаққа рухани байлығымызды дәріптеу, ұлттық тәлім-тәрбиені жастардың бойына сіңіре отырып, эстетикалық сана-түйсінігінің терең қалыптасуына, ізгілік пен адамгершілікке баулу;
- ұлтымыздың мәдени өнер саласындағы жетістіктерін насихаттап, оның өркендеуіне ықпал жасау.

1.3. Байқаудың міндеттері:
- балалардың бойында музыкалық-эстетикалық тәрбиені жетілдіру, олардың шеберлігін арттыру.
- Дарынды оқушыларды қолдау, оқушылардың шығармашылығын дамыту;
- Жас таланттың бойындағы өнердің көзін ашу;
- Өнерге деген құштарлығын арттыру, сахна құдіретін сезіне білуге үйрету.

2. Байқаудың өткізу шарттары

2.1. Байқау бес жанр бойынша өтеді:

• Эстрадалық вокал;
• Аспапта ойнау;
• Дәстүрлі ән;
• хореография;
• театрланған сән үлгісі

2.2. Байқауға қатысушылардың жас ерекшіліктері:
- кіші топ- 6 жастан 9 жасқа дейін;
- орта топ-10 жастан 13 жасқа дейін;
- жоғары топ-14 жастан 17 жасқа дейін;

2.3. «Аспапта ойнау» жанры бойынша екі шығарма орындайды. Дуэт, трио, квартет, шағын фальклорлық ансамбльдер қатыса алады.
2.4. «Дәстүрлі ән» жанры бойынша аспаптың сүйемелдеуімен екі ән орындайды.
2.5. «Эстрадалық вокал» жанрында қатысушылар эстрадада еркін тақырыпта екі ән орындайды. Ән тірі дауыста айтылуы қажет.
Дуэт, трио, квартет, 12 адамнан аспайтын вокалды топтар қатыса алады. «Бэк» вокал рұқсат етіледі.
2.6. «Хореография» жанры бойынша әр топ екі би орындайды: еркін тақырыпта.
2.7. «Тетарланған сән үлгісі» жанры бойынша қатысушылар бір сәндік қойылым көрсетеді.

2.8. Бағалануы:
Вокалдық ерекшеліктері, музыканың кәсіби деңгейде өңделуі, актерлік шеберлігі, сахналық киім үлгісі, ұлттық аспапта ойнау шеберлігі мен дәстүрлі әндегі дыбыс ұзақтығындағы орындаушының дауыс ырғағының кеңдігі, би қозғалысының ритмикасы мен синхрондығы.
Барлық қатысушылар өз мини-дискілеріне, СД - дискилеріне және флешкаларына орындаушының аты-жөнін, әннің реттік номерін, жанрының атын жазып көрсетулері қажет.

3. Қорытынды жасау, жеңімпаздарды марапаттау.
3.1. Қазылар алқасының құрамында өнер қайраткерлері, компазитор, ақын, әнші, хореограф, белгілі педагогтар болады.
3.2. Қазылар алқасы байқауға қатысушылардың өнерін 10 ұпайлық жүйе бойынша бағалайды. Жинаған сан ұпайы бойынша жас орындаушылар қатарынан байқаудың жүлдегерлері анықталады.

3.3. Байқаудың қорытындысы әр жанр бойынша марапаттау беріледі:
Бас жүлде («ұлттық аспапта ойнау», «эстрадалық вокал», «дәстүрлі ән», «хореография» жанрлары бойынша) - лауреат дипломы және арнайы сыйлық.
І орын - лауреат және сыйлық
ІІ орын - лауреат және сыйлық
ІІІ орын - лауреат және сыйлық
ІV орын - дипломант және сыйлық
V орын - дипломант т және сыйлық
VІ орын - дипломант және сыйлық

Аранайы дипломдар:«Әртістік дарыны үшін»; «Көрермен көзайымы»; «Ең жас қатысушы».

Байқауға қатысқан өнерпаздар мақтау қағаздарымен марапатталады. Байқауға қатысушыларды дайындаған педагоготар мақтау қағаздарымен марапатталады.

4. Байқаудың өткізілетін орны мен мерзімі
4.1. Өткізілетін орны 2015 жылдың 11-12 наурыз аралығында Алматы қалалық Оқушылар сарайы.

4.2. Байқаудың өтетін уақыты:
11 наурыз сағат 09:00-10:00-ге дейін қатысушылардың тіркелуі;
10:00-10:30-да байқаудың салтанатты ашылу рәсімі, өнерпаздардың өнер көрсетуі және әділқазылардың бағалауы (қосымша:бағдарлама таратылады)
12 наурыз сағат 17:00 - Гала концерт. Жеңімпаздар мен қатысушыларды марапаттау рәсімі.

4.3. Байқауға қатысу үшін ұйымдастыру комитетіне 2015 жылдың 06 наурызға дейін өтініш-саулнамаға оқушының аты-жөні, репертуары, шығарманың авторы, жетекшісінің аты-жөні, телефон номері, мектеп номері туралы мәліметтер жазылып, электронды почтаға жіберіліп, тапсырылсын.

Ескерту: Байқауға қатысушылар әлемдік тәжірибеде өтілген қалалық, республикалық, халықаралық мерекелік іс-шараларға алдын ала кіру жүлде жарнасын төлейді, келіп-кету шығынын жіберуші жақ көтереді.

Байқауға қатысушының тапсырысы

Біздің мекен жайымыз:
Алматы қаласы, Достық даңғылы 124
Алматы қалалық Оқушылар сарайы, 809 кабинет
Байланыс телефондары: 8 (727) 264 39 90, 8 701 680 17 09, 8 702 209 03 19
Электрондық адрес: bbektaev@mail.ru